Milani e ka marrë në konsideratë për verën e ardhshme, por Leon Goretzka është i tunduar nga mundësia e largimit nga Bayern  gjashtë muaj para se të skadojë kontrata e tij për t’u bashkuar me Atletico Madridin.

Në një intervistë, vetë lojtari foli për të ardhmen e tij dhe mundësinë e largimit nga Gjermania: “Ndryshimi i kampionatit është padyshim një mundësi. E gjej emocionuese të shkoj jashtë vendit. E kam menduar dy herë në të kaluarën dhe me vetëdije zgjodha të mos e bëj deri më tani”.

“E di që jam në një zonë rehatie në Mynih. Një kalim jashtë vendit do të ishte gjithashtu një hap i rëndësishëm për rritjen time personale. Përjetimi i diçkaje të re do ta pasuronte jetën time”.

Kontrata e tij është e vlefshme deri më 30 qershor 2026. Sipas Sky Sport në Gjermani, Atletico Madrid ka bërë një ofertë prej 5 milionë eurosh për ta liruar atë para se të skadojë marrëveshja.