Berlini, pro sulmit të SHBA/ Merz: Situata në Iran nuk mund të qëndronte siç ishte

Lindja e Mesme | 1 vit më parë

Kancelari gjerman Friedrich Merz ka mirëpritur sulmet e SHBA-së ndaj objekteve bërthamore të Iranit dhe tha se ishte “disi optimist” se nuk do të ketë përshkallëzim të mëtejshëm të konfliktit.

Megjithatë, ai shprehu shqetësim për mundësinë e bllokimit të Ngushticës së Hormuzit.

Në një konferencë në Gjermani, ai theksoi se situata nuk mund të mbetej siç ishte.

“Nuk ka asnjë arsye për ne, ose për mua personalisht, të kritikojmë atë që Izraeli filloi një javë më parë dhe asnjë arsye për të kritikuar atë që bëri Amerika fundjavën e kaluar. Po, nuk është pa rrezik. Por ta linim ashtu siç ishte, nuk ishte një mundësi”, u shpreh ai.

Gjermania ka qenë tradicionalisht një aleate e fortë e Izraelit dhe është shprehur vazhdimisht kundër programit bërthamor të Iranit.

/rtsh.al/

Friderich Merz

Lufta Izrael-Iran

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.