Bernard Berisha vishet bardheblu

Futboll Vendi | 4 muaj më parë

Bernard Berisha është zyrtarisht pjesë e skuadrës së Tiranës. Lojtari e mbylli sezonin e kaluar në radhët e Dinamos, por pa arritur të marrë minutazhin e dëshiruar në fushën e lojës. Pas largimit nga blutë, 34-vjeçari preferoi të mos largohet nga kryeqyteti duke zgjedhur fanellë bardheblu.

Njoftimi i klubit:

Mirë se erdhe, Bernard Berisha!

KF Tirana i uron mirëseardhjen Bernard Berishës, i cili i bashkohet skuadrës.

Me një karrierë të ndërtuar në Shqipëri, Rusi dhe me Kombëtaren e Kosovës, Berisha nis një kapitull të ri me fanellën bardheblu.

Mirë se erdhe në familjen e Tiranës!

Tirana njofton gjithashtu edhe afrimin e Joseph Colley, i cili i bashkohet skuadrës për sezonin e ri. Mbrojtësi qendror 26-vjeçar, i formuar në akademinë e Chelsea F.C., vjen pas eksperiencave të tij në Angli, Suedi dhe Greqi, duke nisur një kapitull të ri me fanellën e Tiranës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.