I ftuar në emisionin “3D” të gazetarit Alban Dudushi në ekranin e RTSH-së, avokati Besart Logu ka analizuar dinamikat më të fundit brenda kampit opozitar, duke u ndalur te proceset e zhvilluara në Partinë Demokratike pas zgjedhjeve të brendshme. 

Logu theksoi se pas zgjedhjeve brenda PD dhe zgjedhjeve të zhvilluara në strukturat drejtuese, partia është ripërtërirë.

“Duke nisur nga Këshillimi Kombëtar, ku 15 veta u zgjodhën nga delegatët e Kuvendit, 71 persona janë për herë të parë si anëtarë të Këshillimit. Ripërtëritja nuk nënkupton vitin zero dhe të shuhet gjithçka, por do të thotë riorganizim, rienergjizim, duke rishpikur veten dhe duke ruajtur koherencën, vlerat dhe kontributet brenda PD.” 

Ai u ndal edhe te procesi i votimit për kryetarin Sali Berisha, duke e cilësuar si një referendum: 

 “Berisha u fut në një referendum, jo në një garë me veten. Anëtari kishte tre mundësi në fletën e votimit, mund të votonte kundër, abstenim apo pro.” 

Në analizën e tij, Logu vuri në dukje edhe rolin e Gazment Nokës, duke e cilësuar figurë qendrore në organizimin e partisë: 

“Për z. Noka, që ka marrë këtë peshë mediatike, padiskutim që është figurë qendrore e PD. Ai është personi përgjegjës për organizimin e partisë.” 

/rtsh.al/