Sekretari Amerikan i Shtetit Antony Blinken ka deklaruar se  nëse  plani i armëpushimit i mbështetur nga SHBA dhe OKB nuk përparon, atëherë sipas tij, Hamasi do të jetë fajtor.

Blinken tha se kryeministri izraelit Benjamin Netanjahu kishte “riafirmuar angazhimin e tij” ndaj propozimit kur ata mbajtën bisedime në Jerusalem ditën e hënë.

Gjithashtu, Blinken e përshkroi si një “shenjë shpresëdhënëse” përgjigjen e Hamasit ndaj rezolutës së miratuar nga Këshilli i Sigurimit i OKB-së të hënën, duke mbështetur atë që kishte njoftuar presidenti Biden.

Rezoluta vuri në dukje se Izraeli kishte pranuar atë që Biden kishte paraqitur dhe i bëri thirrje Hamasit të bënte gjithashtu të njëjtën gjë.

Nga ana e tij, Hamasi lëshoi një deklaratë të martën duke përshëndetur se “çfarë përfshihej” në rezolutë.

Por Blinken tha se përgjigja e Hamasit nuk ishte përfundimtare, duke shtuar se “ajo që ka rëndësi” është ajo që thuhet nga udhëheqja e Hamasit në Gazë, “dhe kjo është ajo që ne nuk e kemi ende”.

Nëse propozimi nuk do të procedohej, atëherë ishte “në dorën e tyre”, tha ai.

/rtsh.al/