Presidenti Donald Trump zhvilloi një telefonatë 90-minutëshe të shumëpritur me Presidentin Xi Jinping të Kinës, duke thënë se ishte i inkurajuar që tensionet e vazhdueshme tregtare mund të zgjidhen së shpejti.

Duke e quajtur bisedën “shumë të mirë”, Trump tha se bisedimet pasuese do të zhvilloheshin “së shpejti” midis ekipeve ekonomike të vendeve dhe se Xi e ftoi atë të vizitonte Kinën.

“Gjatë bisedës, Presidenti Xi na ftoi me mirësjellje mua dhe Zonjën e Parë të vizitonim Kinën. Si presidentë të dy Kombeve të Mëdha, kjo është diçka që të dy mezi presim ta bëjmë”, shkroi Trump.

Trump tha se telefonata u përqendrua pothuajse tërësisht në tregti, pa prekur çështje të tjera gjeopolitike si një marrëveshje bërthamore me Iranin apo lufta Rusi-Ukrainë.

Thirrja “rezultoi në një përfundim shumë pozitiv për të dy vendet”, shkroi Trump në Truth Social.

Ai veçoi çështjen e mineraleve të rralla të tokës — për të cilat Kina kishte vendosur kufizime — si një fushë ku bëri përparim me homologun e tij.

/rtsh.al/