Analisti Ergys Mërtiri ka deklaruar në studion e emisionit “3D” në RTSH1 se grupimi i Rithemelimit që drejtohet nga ish-kryeministri Berisha përmes protestave në Kuvend nuk ka dashur që të dëgjohet zëri i pjesës tjetër të opozitës.

Sipas Mërtirit me nisjen e negociatave për reformën zgjedhore mes mazhorancës dhe grupit të Rithemelimit, rrjedhimisht Rama njeh këta të fundit për opozitë duke iu dhënë edhe vulën politike.

“Pas gjithë këtij cikli të gjatë Rama iu jep një kockë tjetër dhe iu thotë se “ne do t’u japim komisionin e reformës zgjedhore”. Pra, do ia japin Bardhit, do ia heqin Alibeajt.

Kjo është fitorja që kanë arritur këta. Këta kanë arritur fitore ndaj opozitës alternative. Pra, këta kanë marrë vulën politike nga Edi Rama. Edi Rama iu ka thënë këtyre që “ju njoh juve për opozitë”.

Këta kanë rënë dakord, kanë arritur marrëveshjen dhe bëjnë cirkun pas marrëveshjes, por marrëveshja kjo është” u shpreh Mërtiri.

/rtsh.al/