Çiklizmi në zi! Nuk i mbijetoi aksidentit, ndahet nga jeta Muriel

Sporte të tjera | 2 vite më parë

Muriel Furrer, e cila u rrëzua dje në mëngjes gjatë garës rrugore për femra në kampionatin botëror të çiklizmit në Zyrih (Zvicër), nuk ia doli dhe humbi jetën në moshën 18-vjeçare.

Zvicerania ishte dërguar në spital me një helikopter urgjence pasi pësoi një dëmtim në kokë. Furrer do të kishte humbur kontrollin e biçikletës në një kthesë të tatëpjetë në pyllin me pisha dhe më pas kishte përfunduar në një pemë.

Furrer, e cila mbushi 18 vjeç në korrik, kishte fituar medaljen e argjendtë si në provën e të rinjve, ashtu edhe në garën rrugore në kampionatin kombëtar zviceran të këtij viti. Në kampionatin evropian të mëparshëm MTB ajo fitoi medaljen e bronztë në stafetën ekipore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.