Manchester City arriti një fitore 2-0 ndaj Newcastle me golat e Ilkay Gundogan dhe Ferran Torres,  duke u ngjitur në vendin e pestë në tabelën e Premier League. Edhe pse asnjëherë nuk ishte një kërcënim, Neëcastle filloi mirë sfidën dhe për City u desh pak kohë për të marrë kontrollin e lojës. Pas golit të parë, gjithçka dukej e përfunduar.

Goli i parë për të besuarit e trajnerit Pep Guardiola ka mbërritur në minutën e 14-të . Është mesfushori Gundogan, që pas një topi të Sterling ka zhbllokuar rezultatin. Në pjesën e dytë dhe pikërisht në minutën e 55-të, Torres, duke përfituar dhe nga hezitimi i lojtarëve të Neëcastle, ka arritur të shënojë dhe golin e dytë, duke e vendosur fitoren në kasafortë.

Në sfidën tjetër, atë mes Sheffield dhe Everton, të besuarit e trajnerit Ancelotti kanë marrë tri pikë mjaft të rëndësishme falë golit të shënuar nga Gylfi Sigurdsson dhjetë minuta para përfundimit të sfidës. Një sukses që e ka ngjitur skuadrën e Everton në vendin e dytë në klasifikim me 29 pikë.

PREMIER LEAGUE

Rezultatet:

Leicester City  2 – 2     Manchester United    

Aston Villa      3 – 0     Crystal Palace

Fulham           0 – 0     Southampton  

Arsenal           3 – 1     Chelsea           

Man. City        2 – 0     Newcastle United      

Sheffield         0 – 1     Everton

RENDITJA