COVID-19, situatë e qëndrueshme në Shkodër, në dy muajt e fundit nuk kanë munguar rastet

Sociale | 2 vite më parë

Situata epidemiologjike e dy muajve të fundit në Shkodër sa i përket COVID-19 paraqitet e stabilizuar. Këtë e konfirmon shefja pranë NjVKSh Shkodër, Dhurata Hysa e cila shprehet se edhe në këtë periudhë rastet nuk kanë munguar.

“Kemi konfirmuar raste qoftë muajin e kaluar por edhe këtë muaj por numri nuk është shumë i lartë”, u shpreh Dhurata Hysa, shefja pranë NjVKSh Shkodër.

Kryesisht në Shkodër paraqiten persona, të cilat kanë fituar imunizim përmes vaksinës anti-COVID ose që e kanë kaluar më herët këtë sëmundje. Megjithatë janë shfaqur edhe raste me simptoma më të rënda klinike.

Specialistët këshillojnë për kujdes dhe respektim të rregullave të higjienës, në mënyrë të veçantë tek të sëmurët kronikë.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.