Dëmtimi, Nadal-it i duhen 6-8 javë pushim

Sporte të tjera | 4 vite më parë

Rafa Nadal mori sot lajme të këqija nga stafi mjekësorë pas rezonancës magnetike të bërë. Procedura evidentoi dëmtim të shkallës të dytë në muskulin e këmbës të majtë.

Siç edhe njoftoi vetë spanjolli për të rikuperuar këtë dëmtim do të duhen 6-8 javë pushim. Nëse Nadal nuk do të kalojë më shpejt këtë dëmtim atëherë me shumë mundësi do të jetë jashtë turneve të shkurtit dhe mund të mos jetë i pranishëm edhe në Masters 1000 të Indian Wells dhe Miami.

Me shumë mundësi Nadal do të kthehet në garat që zhvillohen në dhe të kuq, garata e tij të preferuara. I sigurt është fakti se spanjolli nuk ka nisur siç duhet 2023 duke fiotuar vetëm një ndeshje në katër takimet e lujtuara në United Cup dhe Australian Open.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.