Protesta në kryeqytet ka hyrë sot në ditën e saj të 62-të radhazi, duke vijuar marshimet në rrugët kryesore të Tiranës.

Tubimi, i cili fillimisht nisi si një reagim ndaj projekteve të investimit në zonën e Zvërnecit, me kalimin e kohës ka pësuar një zgjerim të kërkesave të organizatorëve dhe pjesëmarrësve.

Protestuesit kanë ngritur tashmë edhe kërkesa të natyrës politike. 

Sipas dinamikës së ditës së sotme, protestuesit u grumbulluan fillimisht në sheshin “Skënderbej” dhe më pas nisën marshimin përgjatë bulevardit “Dëshmorët e Kombit” me destinacion godinën e Kryeministrisë.

Përgjatë itinerarit të tyre, pjesëmarrësit ngritën një sërë shqetësimesh që lidhen me menaxhimin e zonave të mbrojtura natyrore dhe kuadrin e investimeve strategjike në vend. 

Pas grumbullimit në sheshin ‘Skënderbej’, protestuesit marshuan drejt Kryeministrisë përgjatë bulevardit ‘Dëshmorët e Kombit’, duke shprehur kundërshtimin e tyre ndaj projektit dhe duke ngritur njëkohësisht shqetësime të tjera lidhur me politikat për zonat e mbrojtura dhe investimet strategjike.

/rtsh.al/