Dita e 63-të e protestës në kryeqytet, protestuesit marshojnë drejt Kryeministrisë me thirrjet për dorëheqje dhe qeveri teknike

Aktualitet | 3 muaj më parë

Ashtu siç ishte paralajmëruar, sot po mbahet në kryeqytet protesta e radhës, duke shënuar ditën e 63-të radhazi të tubimeve.

Protestuesit u mblodhën fillimisht në sheshin “Skënderbej”, nga ku nisën marshimin përgjatë Bulevardit “Dëshmorët e Kombit” për t’u stacionuar më pas përpara godinës së Kryeministrisë, ku edhe po mbahen fjalimet e radhës nga organizatorët dhe pjesëmarrësit.

Në qendër të këtij tubimi të vazhdueshëm mbeten kërkesat kryesore politike të protestuesve.

Sa i përket qëllimit të kësaj rezistence disaditore, organizatorët nënvizojnë se kërkesat e protestuesve vazhdojnë të jenë po ato: Dorëheqja e kryeministrit dhe formimi i një qeverie teknike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.