Në fshatin Gjinar të Elbasanit është drejt përfundimit projekti për rikonstruksionin e plotë të qëndrës. 

Emanuel Hida Administratori Njësisë Administrative Gjinar thotë se bëhet fjalë për një investim prej rreth 97 milionë  lekësh.

Punimet parashikojnë asfaltimin dhe rindërtimin e qëndrës, ndërtimin e fushës së sportit dhe ngritjen e muzeut të zonës.  

Të gjitha këto thotë Hida do të  rrisin interesin e vizitorëve të apasionuar pas trashëgimisë  së pasur kulturore të zonës. 

Vitet e fundit investimet në Gjinar kanë qenë të shumta, duke rritur ndjeshëm  edhe cilësinë e jetës dhe shërbimeve tek banorët. 

Administratori Hida thotë se me prioritet po shihet edhe investimi në rrjetin e ujësjellësit të Gjinarit. 

Bashkia e Elbasanit në një kohë rekord arriti të realizojë procedurat e nevojshme, kryesisht ato të shpronësimeve duke bërë të mundur që nisja e projekteve të finalizohet për të mirën e banorëve të njësisë administrative Gjinar.

Investimet pritet të rrisë cilësinë e shërbimeve tek banorët, duke e kthyer Gjinarin në një ndër pikat më të rëndësishme për turizmin në qark. 

 
/ rtsh.al /