Dropulli çel sezonin turistik, panair me produkte të traditës

Sociale | 2 vite më parë

Dropulli është tashmë pjesë e hartës turistike. Për ti dhënë ende shtysë këtij sektori të rëndësishëm, bashkia çeli këtë të enjte sezonin turistik me një sërë aktivitetesh, ku u mbajt edhe panairi me produkte të traditës, gatime tradicionale si dhe u pasqyrua potenciali turistik i zonës në monumente kulture, natyre dhe të traditës shpirtërore.

Nuk mund të mungonte në këtë ceremoni turistike edhe inaugurimi i Pallatit të Kulturës, i realizuar nga fondet e projekteve ndërkufitare të BE. Në këtë aktivitet pjesë u bë edhe ambasadorja e Greqisë në vendin tonë Kostandina Kamici.

Bashkia e Dropullit vitet e fundit po bën përpjekje për të zhvilluar agroturizmi. Hapat e parë drejt këtij sektori janë hedhur, ku shumë familje po i përshtasin banesat e tyre në njësi pritëse.

Gazetare: Boralda Gjyli

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.