Durim Bami transferohet nga 313 në burgun e Fushë-Krujës

Aktualitet | 7 muaj më parë

Drejtoria e Përgjithshme e Burgjeve ka pranuar kërkesën e Durim Bamit për t’u transferuar nga burgu 313 në burgun e Fushë-Krujës.

Vendimi është marrë nga drejtori i ri i burgjeve, Adriatik Kupi, pas disa javësh nga momenti kur kërkesa u refuzua nga ish-drejtori Klevis Qose.

Bami kishte kërkuar zhvendosjen menjëherë pas ekstradimit nga Dubai, duke argumentuar se i rrezikohej jeta në institucionin e vuajtjes së dënimit ku ishte vendosur fillimisht.

Durim Bami u arrestua në Dubai 2 vite më parë, ndërsa u ekstradua në vendin tonë më 27 shkurt. Ai akuzohet për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kultivimi i bimëve narkotike” dhe “Kryerja e veprave penale nga organizata kriminale, ose grup i strukturuar kriminal”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.