Dyshohet se pësoi arrest kardiak në paraburgimin në Vlorë, humb jetën në spital 32-vjeçari

Aktualitet | 2 muaj më parë

Një 32-vjeçar ka ndërruar jetë në Spitalin e Vlorës, pasi dyshohet se pësoi arrest kardiak në ambientet e dhomave të shoqërimit të Komisariatit të Policisë Vlorë.

Ngjarja ka ndodhur rreth orës 09:50, kur shërbimet e policisë kanë konstatuar në gjendje të rënduar 32-vjeçarin E. Sh., dhe menjëherë është transportuar në Spitalin Rajonal të Vlorës.

Pavarësisht ndërhyrjes së mjekëve, në orën 10:05 është konfirmuar se i riu kishte humbur jetën.

Sipas të dhënave paraprake, dyshohet se shkak i vdekjes ka qenë një arrest kardiak.

32-vjeçari ishte arrestuar në flagrancë më 29 gusht, rreth orës 23:00, për veprën penale “Vjedhja”.

Vijojnë hetimet për zbardhjen e plotë të rrethanave të ngjarjes dhe dokumentimin ligjor të rastit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.