Emigracioni i paligjshëm vazhdon të jetë fenomen në rritje në vendin tonë e sidomos në Kukës. Kohë pas kohe  projektet për minimizimin e kësaj situate janë të shumtë, e një të tillë e ka iniciuar edhe organizata qendra për progres rinor në shkollat e Kukësit dhe Hasit si dy bashkitë më të prekura nga emigracioni i paligjshëm.

“Në shkollat e Kukës dhe të Hasit synohet ndërgjegjësimi i të rinjve kundër emigrimit. Të rinjtë nëpër shkolla do të aktivizohen në aktivitete të ndryshme”, u shpreh Rifat Demaliaj, Drejtues Qendra për Progres Rinor.

Emigracioni i të rinjve ka sjellë pasoja të mëdha në rajonin e Kukësit.

Projekti zgjat 7 muaj dhe për finalizimin e tij do të angazhohen 12 skuadra. Emigrimi i paligjshëm i të rinjve  ka nisur në masë të madhe  që në vitin 2014 ndërsa vitet e fundit largimet janë bërë akoma më të ndjeshme aq sa edhe qeveria britanike prej më shumë se dy vitesh po zbaton një projekt konkret në bashkitë e Kukësit dhe Hasit për të inkurajuar të rinjtë të mos largohen si dhe krijimin e mundësive të formimit dhe punësimit të tyre në vendlindje.

/RTSH/