Festa e Gjalicës, tradita e “Kroit të Kuq” bashkon kuksianët

Aktualitet | 1 vit më parë

E enjtja e parë e muajit gusht ka mbledhur në Kroin e Kuq banorët e njësive administrative Shtiqën e Bicaj e më gjerë, për të kremtuar Festën e Gjalicës.

Banorë të zonave përreth morën pjesë në aktivitetin e organizuar nga Bashkia Kukës.

Asllan Basha, kryeplak i fshatit Shtiqën, tregoi se kjo ditë është festuar brez pas brezi.

Kryetari i bashkisë, Albert Halilaj, iu bëri thirrje bizneseve të Kukësit që vitin tjetër të ketë pjesëmarrje edhe më të madhe.

“Biznesmenët e njësisë administrative Shtiqën të Kukësit… të bëhet një organizim shumë më i madh vitin tjetër, për të promovuar turizmin,” u shpreh z. Halilaj.

Prej disa vitesh kjo festë pagane organizohet në Kroin e Kuq nga Bashkia Kukës.

Gazetare: Irda Bajraktari

/rtsh.al/

Festa e Gjalices

kukes

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.