Flamurtari, kreu i Ligës Unike i pacënueshëm

Basketboll | 5 vite më parë

Flamurtari në basketboll për femra ka vijuar me fitoret në Ligën Unike “Shqipëri-Kosovë”, teksa ka ruajtur dhe kryesimin, ndërsa ka mundur Bashkimin e Prizrenit. Vlonjatet e drejtuara nga Elona Hasanaj kanë fituar 85-58. Një ndeshje e dominuar nga Flamurtari, që e ka zgjidhur suksesin që në pjesën e parë.

Në dhjetë minutat e para vendëset krijojnë epërsi dhe janë në diferencë pikësh me Bashkimin e Prizrenit, teksa fitorja e pjesës së parë në shifrat 48-27 dha shenjat që suksesi do të anonte nga vlonjatet. E njëjta situatë dhe në pjesën e dytë dhe Flamurtari, duke vazhduar të luajë mirë e dominuar, e ka mbyllur këtë ndeshje në shifrat 85-58. Flamurtari ndeshjen e radhës do ta ketë me Prishtinën, ndërsa kështu vijon të kryesojë Ligën Unike.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.