Flamurtari dhe Partizani në basketboll për femra kanë luajtur një ndeshje pretendentësh në Vlorë, e cila është ndarë vetëm me dy pikë diferencë në fund. Të dyja skuadrat kanë dhuruar një ndeshje shumë të bukur në Pallatin e Sportit në Vlorë. Në fund ka triumfuar Flamurtari, 63-61. Ndeshja ka dhuruar dy tablo. Dy periodat e para kanë folur për skuadrën mike Partizani, që arrin të shkëputet deri në 15 pikë diferencë. Dhe e gjithë pjesa e parë përfundon 21-33 për skuadrën e kuqe.

Por në pjesën e dytë Flamurtari është krejtësisht ndryshe në lojë, ndërsa në periodën e tretë ka fituar 31-16. Madje perioda e katërt është e barabartë aq sa shënohen shifrat 61-61. Vetëm në fund Flamurtari ka shënuar koshin e fitores duke e mbyllur krejt takimin në shifrat 63-61. Tashmë Flamurtari në vendin e parë do të ndeshet në Play-off në raundin gjysëmfinal me Studentin, kurse Tirana me Partizanin. Dhe objektivi i vlonjateve mbetet titulli kampion, atje ku me shumë mundësi Flamurtari do të ketë përsëri përballë në finale Partizanin.