Fluks në doganën e Morinit, rritet numri i lëvizjeve në fundjavë

Sociale | 2 vite më parë

Edhe në fundjavën e dytë të gushtit në pikën e kalimit kufitar në Morin kishte fluks automjetesh e qytetarësh.

Janë shqiptarë të Kosovës ata që zgjedhin më shumë bregdetin shqiptar. Disa prej tyre tashmë po kthehen në vendet ku jetojnë e punojnë.

Sa i përket çmimeve në përgjithësi, thonë se janë rritur por akoma janë të përballueshme për ta.

Kujtojmë që nga protokolli i nënshkruar mes dy qeverive nuk do të ketë kontrolle për qytetarët e dy vendeve për të gjithë periudhën 1 maj – 30 shtator dhe 1 nëntor – 28 shkurt.

Përmes kësaj marrëveshje shmangen radhët e gjata dhe lehtësohen kushtet e udhëtimit të qytetarëve.

Në 24 orëshin e fundit, në pikën e kalimit kufitar në doganën e Morinit kanë hyrë rreth 18000 shtetas dhe kanë dalë rreth 21400 shtetas.

Gazetare: Irda Bajraktari

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.