Shqip
English
Français
Deutsch
Ελληνικά
Italiano
Srpski
TürkçeFoto – Përmbyten rrugët në Vlorë, pak minuta shi bllokojnë qarkullimin
Reshjet e dendura të shiut kanë përfshinë Vlorën duke shkaktuar përmbytje në disa zona të qytetit dhe paralizuar qarkullimin dhe kalimin e këmbësorëve. Vetëm pak minuta shi me intensitet të lartë kanë mjaftuar për të mbushur me ujë disa akse kryesore dhe lagje.
Probleme të mëdha janë regjistruar në disa lagje të Vlorë dhe përgjatë bulevardit kryesor, ku rrugët u mbushën me ujë, duke e bërë të pamundur qarkullimin e automjeteve dhe lëvizjen e qytetarëve.
Ndër më të prekura është rruga “Albano dhe Romina”, e cila përmbytet shpesh në raste reshjesh të dendura, duke dëmtuar edhe bizneset në zonë.
Reshjet e shiut dhe era e fortë kanë përfshirë disa qytete në vend ku janë shënuar edhe rënie të temperaturave.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
