Dy trupa të tjerë janë gjetur brenda rrënojave të jahtit Bayesian, ka konfirmuar për BBC agjencia e mbrojtjes civile të Siçilisë. Ata janë ende brenda në varkë.

Më herët, dy trupa të tjerë u gjetën brenda anijes së fundosur – ata tani janë nxjerrë në breg. Identiteti i katër personave të gjetur pasditen e sotme ende nuk është konfirmuar.

Kjo do të thotë se dy pasagjerë, në bordin e jahtit kur u mbyt të hënën, mbeten të zhdukur. Gjashtë personat që rezultojnë të humbur në Detin Mesdhe janë:

• Biznesmeni në Mbretërinë e Bashkuar Mike Lynch, i cili ndihmoi në themelimin e Cambridge Neurodynamics dhe bashkëthemeloi firmën Autonomy
• Vajza e tij, Hannah Lynch , një studente 18-vjeçare
• Jonathan Bloomer , kryetar i Morgan Stanley Bank International
• Gruaja e tij Judy Bloomer
• Chris Morvillo , një partner në firmën ligjore Clifford Chance
• Gruaja e tij Neda Morvillo, një dizajnere bizhuterish

Roja bregdetare italiane ende nuk e ka konfirmuar moshën apo gjininë e dy trupave që sapo janë gjetur. Trupi i kuzhinierit të jahtit, shtetasit kanadezo-antiguan Recaldo Thomas , u gjet të hënën.

/rtsh.al/