Një gjeneral i lartë rus u vra të hënën në mëngjes pas një lëndë shpërthyese ishte vendosur nën makinën e tij në jug të Moskës. Fanil Sarvarov, kreu i drejtorisë së stërvitjes operative të Shtabit të Përgjithshëm të forcave të armatosura ruse, vdiq nga plagët e marra në momentin e shpërthimit, njoftuan autoritetet ruse.

Svetlana Petrenko, zëdhënëse e Komitetit Hetues të Rusisë, tha se hetuesit janë duke ndjekur disa pista për zbardhjen e ngjarjes, përfshirë mundësinë që krimi të jetë orkestruar nga shërbimet e inteligjencës ukrainase.

“Hetuesit po ndjekin pista të shumta hetimi në lidhje me vrasjen. Njëra prej tyre është se krimi u orkestrua nga shërbimet e inteligjencës ukrainase”, tha Petrenko.

Mediat ruse raportuan se shpërthimi ndodhi rreth orës 7 të mëngjesit në parkingun e një rruge në zonën Yaseneva të Moskës, ndërsa gjenerali ishte brenda makinës në momentin e shpërthimit.

/rtsh.al/