Grabiti çiftin italian në Vlorë, në pranga autori. Shëtiste i lirë pasi kishte përfituar nga amnistia

Aktualitet | 2 vite më parë

Policia ka vendosur në pranga autorin e grabitjes së çiftit italian ditën e djeshme në Lungomaren e Vlorës.

Autori i grabitjes është identifikuar si Elvis Myrtaj i cili kishte përfituar nga amnistia 10 ditë më parë.

Por Myrtaj i është rikthyer sërish asaj për të cilën ishte dënuar më parë duke thyer xhamin e makinës së çiftit italian dhe duke iu vjedhur atyre 2500 euro së bashku me sendet personale.

Pas hetimeve ai është identifikuar nga policia e cila e ka pikasur duke drejtuar një automjet Fiat Punto të marrë me qira. Uniformat blu i kanë bërë thirrje që të ndalojë por ai ka braktisur makinën edhe është larguar me vrap në lagjet e Vlorës.

Pasi janë vënë në ndjekje të tij, policia e ka arrestuar pas 30 minutash. Myrtaj po merret në pyetje mbi grabitjen e ditës së djeshme të çiftit italian.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.