Një grup rusësh anti-Putin që luftojnë në emër të Ukrainës u ka kërkuar ushtarëve rusë në Kursk që të dorëzohen dhe të luftojnë me ushtrinë e Kievit.

Në një postim në rrjetin social Telegram, grupi paraushtarak i Legjionit të Lirisë së Rusisë deklaruan  se oficerët politikë u thanë “të hidhni veten në erë me granatat tuaja”.

“Por qindra ushtarë rusë e injorojnë urdhrin kriminal, duke zgjedhur të jetojnë në vend që të vdesin për një medalje të re koloneli ose një rezidencë tjetër të Gerasimov,” tha ai.

Deklarata u bëri thirrje trupave ruse në Kursk që të “dorzohen vullnetarisht” në ushtrinë e Ukrainës, siç kanë bërë tashmë disa nga “shokët” e tyre.

“Për ata që dëshirojnë të vazhdojnë të luftojnë për një të ardhme normale për Rusinë, mbetet një opsion i hekurt për t’u bashkuar me legjionin”, thuhet në deklaratë.

Kievi pretendon se qindra ushtarë rusë janë zënë rob nga forcat ukrainase që nga fillimi i ofensivës së Kurskut.

/rtsh.al/