Jo vetëm futbolli në jetën e Pep Guardiolës. Trajneri i Manchester City-t përfshin edhe një të kaluar si model në kurrikulën e tij. Ishte viti 1993 kur mesfushori i atëhershëm i Barcelonës, ‘Ekipi i ëndrrave’ i drejtuar nga Johann Cruijff, u punësua nga stilisti katalanas Antonio Miró në një sfilatë mode, siç tha djali i tij David: “Gjëja qesharake për të gjithë këtë është se çdo artikulli që Guardiola veshi në atë sfilatë u shit brenda pak ditësh”, thotë Miró junior, duke nënvizuar sesi versioni i modelit Guardiola kishte sjellë përfitime në arkat e Mirós. Por Barcelona nuk e mori shumë mirë…

Johann Cruijff u ndje i tradhtuar nga qëndrimi i Guardiolës: karriera paralele në pasarelë ishte një karrierë personale për Pep, por u cilësua si mungesë respekti, Pep kishte vënë egon dhe interesat e tij para atyre të ekipit dhe kolektivit: “Në vitet ’90 Pep e pyeti babain tim nëse ai mund të ishte një model për të. Babai im ishte një tifoz i Barcelonës, kështu që i pëlqente ideja dhe ai tha po”. Pastaj zbulimi: “Më pas Crujiff e dënoi Pep që nuk ishte profesionist. Ai e bëri atë të paguante”.

Një mësim që Guardiola e mori vite më vonë, pikërisht si trajner i Barcelonës. David Miró ka zbuluar në fakt refuzimin e Pep për Gerard Piqué: “Kur disa vite më vonë Pique i kërkoi babait tim të njëjtën gjë, Guardiola nuk e lejoi.”