Hapësirat për qytetarët, përmirësohet pjesa e gjelbërimit në bashkinë e Hasit

Sociale | 2 vite më parë

Temperaturat e larta dhe thatësira e tej zgjatur nuk kanë ndikuar në mbajtjen e lulishteve të gjelbra dhe funksionale në bashkinë e Hasit.

Drejtori i shërbimeve, Bledar Lushi thotë se janë bërë ndërhyrje të nevojshme në lulishten më të madhe të qytetit.

“Hasi është plot gjelbërim. Është bërë një punë e mirë duke nisur që nga vaditja. Është bërë ndërhyrja në stola që nga fillimi”, tha Lushi.

Nga ana tjetër edhe qytetarët e vlerësojnë punën që është bërë në drejtim të krijimit të hapësirave për ta.

Përveç mirëmbajtjes së hapësirave të dedikuara për qytetarët e veçanërisht për të moshuarit, bashkia Has pritet që të shtoj edhe më tej gjelbërimin në të gjithë qytetin apo edhe fshatrat përreth.

Gazetare: Matilda Dokle

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.