Ish-kryetarja e Gjykatës Kushtetuese, Holta Zaçaj është emëruar në pozicionin e zëvendësguvernatores së parë të Bankës së Shqipërisë.

Vendimi u mor gjatë mbledhjes së sotme të Këshillit Mbikëqyrës të institucionit, në përputhje me ligjin “Për Bankën e Shqipërisë”, me propozimin e Guvernatorit Gent Sejko.

Zaçaj përfundoi mandatin si anëtare dhe kryetare e Gjykatës Kushtetuese në fund të vitit 2025. Ajo ka një karrierë të gjatë në fushën juridike, duke përfshirë eksperiencë si pedagoge universitare, avokate dhe drejtuese e departamentit ligjor në një institucion bankar.

Në shkurt të vitit 2026, Zaçaj u emërua anëtare e Këshillit Mbikëqyrës të Bankës së Shqipërisë, nga ku kalon tani në një rol ekzekutiv kyç brenda bankës qendrore.

Holta Zaçaj, në fund të vitit të kaluar mbylli mandatin si anëtare dhe kryetare e Gjykatës Kushtetuese, ndërsa në të shkuarën ka qenë pedagoge, avokat dhe drejtuese e departamentit Ligjor në një bankë.

/rtsh.al/