I dënuar në Itali për trafik droge, arrestohet në Shijak 39-vjeçari me qëllim ekstradimin

Aktualitet | 1 vit më parë

Një person me precedent penal në fushën e trafikimit të drogës është arrestuar në Shijak, me qëllim ekstradimin e tij në Itali. Në pranga u vu 39-vjeçari Fatjan Stafa, i cili është dënuar nga drejtësia italiane me 7 vite e 7 muaj e 12 ditë burgim.

Arrestimi i tij u bë gjatë operacionit të koduar “Operacionalja 57”, pasi ishte shpallur në kërkim ndërkombëtar nga Interpol Roma.

Në tetor 2024, Gjykata e Apelit e Firences e ka dënuar 39-vjeçarin me burg, për pjesëmarrje në organizatë kriminale për trafikimin e lëndëve narkotike.

Interpol Tirana vijon procedurat në bashkëpunim me autoritetet italiane, për ekstradimin e tij.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.