I kërkuar për trafik droge në Itali, arrestohet në Shkodër me qëllim ekstradimin 35-vjeçari

Aktualitet | 8 muaj më parë

Një person i shpallur në kërkim ndërkombëtar nga autoritetet italiane është arrestuar në Shkodër me qëllim ekstradimin drejt Italisë.

Në pranga përfundoi Izmir Dunga, 35 vjeç, lindur dhe banues në Shkodër, ndaj të cilit Gjykata e Milanos kishte caktuar masën e sigurisë “Arrest në burg” për veprat penale “Trafikim i lëndëve narkotike” dhe “Pjesëmarrje në organizatë kriminale”, të parashikuara nga Kodi Penal i Italisë.

Arrestimi i 35-vjeçarit u bë gjatë operacionit policor të koduar “Operacionalja 84”. Pas lokalizimit dhe identifikimit të tij, shërbimet e policisë bënë të mundur vënien në pranga.

Autoritetet shqiptare vijojnë bashkëpunimin me partnerët italianë për procedurat e mëtejshme ligjore dhe ekstradimin e tij drejt Italisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.