I shpallur në kërkim për tentativë vrasjeje dhe armëmbajtje pa leje, arrestohet 26-vjeçari

Aktualitet | 11 muaj më parë

Policia e Tiranës ka arrestuar një 26-vjeçar të shpallur më herët në kërkim për tentativë vrasjeje dhe armëmbajtje pa leje. Në pranga ra shtetasi B. P.

Sipas njoftimit zyrtar, specialistët e Seksionit për Hetimin e Krimeve të Rënda, në bashkëpunim me shërbimet e Komisariatit të Policisë Nr. 1, ekzekutuan urdhrin e Prokurorit për ndalimin e shtetasit B. P.

Për këtë shtetas, “Gjykata kishte caktuar masën e sigurisë për veprat penale “Vrasja në rrethana të tjera cilësuese”, e mbetur në tentativë, kryer në bashkëpunim, si dhe “Mbajtja pa leje dhe prodhimi i armëve, armëve shpërthyese dhe i municionit”, thuhet në njoftimin e policisë.

Vijojnë hetimet për dokumentimin e plotë të ngjarjes dhe identifikimin e mundshëm të bashkëpunëtorëve të tjerë.

/rtsh.al/

policia e tiranes

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.