Forcat izraelite kanë bërë të ditur se kanë shkatërruar një prej tuneleve të Hezbollahut që kalonte nga Libani drejt territorit izraelit.

Sipas ushtrisë izraelite, tuneli 20 metra i gjatë nuk kishte dalje në territorin izraelit dhe rruga e tij përshkonte vijën blu të njohur nga Organizatën e Kombeve të Bashkuara me rreth 10 metra, në sektorin perëndimor të kufirit, pranë fshatit libanez Marëahin përballë komunitetit izraelit të Zar’it.

Ushtria izraelite shpjegon se asnjë qytet nuk ishte nën kërcënim nga tuneli. Sipas vlerësimeve të ushtrisë izraelite, Hezbollahu filloi ndërtimin e tunelit rreth dy vjet më parë dhe u identifikua shpejt nga IDF.

Ushtria thotë se donte të ruante tunelin ndërsa po ndërtohej, në vend që t’i zbulonte Hezbollahut se kishte inteligjencë të rrugës nëntokësore.

Tuneli më pas u lokalizua fizikisht nga komando gjatë bastisjeve në Libanin jugor disa muaj më parë, megjithëse ushtria thekson se ishte i njohur më parë për IDF-në dhe kishte kontroll të plotë mbi zonën.

Ushtria thotë se trupat kontrolluan tunelin dhe gjetën armë brenda tij, duke përfshirë eksplozivë dhe raketa antitank.

Tani që IDF po vepron në Libanin jugor me forca më të mëdha, ushtria thotë se shfrytëzoi rastin për të prishur tunelin. Sipas IDF-së, nuk ka tunele të tjerë të njohur që kalojnë në Izrael nga Libani.

/rtsh.al/