IKMT shemb 7 objekte për hapjen e Korridorit 8 në segmentin Elbasan–Papër

Aktualitet | 6 muaj më parë

Shtatë objekte janë shembur nga Inspektorati Kombëtar i Mbrojtjes së Territorit (IKMT) për t’i hapur rrugë projektit infrastrukturor të Korridorit 8, në segmentin Elbasan–Papër. Objektet ku është ndërhyrë janë një dhe dykatëshe.

Sipas kreut të IKMT, Afrim Qendro, për tre prej këtyre objekteve është kryer shpronësimi në përputhje me ligjin për interes publik, ndërsa pjesa tjetër ishte ndërtuar pa leje dhe pa tituj pronësie.

IKMT thekson se këto veprime janë pjesë e planit për të garantuar zhvillimin e projektit strategjik dhe respektimin e ligjit për pronësinë dhe ndërtimet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.