Izraeli dhe Libani do të zhvillojnë bisedime në Uashington javën e ardhshme

Botë | 6 muaj më parë

Libani dhe Izraeli do të zhvillojnë një raund të ri bisedimesh më 14-15 maj në Uashington për të kërkuar një marrëveshje paqeje.

“Do të ketë bisedime midis Libanit dhe Izraelit të enjten dhe të premten e javës së ardhshme në Uashington“, tha një zyrtar i Departamentit të Shtetit në kushte anonimiteti.

Njoftimi për një raund të ri bisedimesh erdhi një ditë pas sulmit të parë izraelit në Bejrut, pasi armëpushimi i brishtë hyri në fuqi pas negociatave të drejtpërdrejta midis ambasadorëve izraelitë dhe libanezë në Uashington.

Zyrtari nuk specifikoi se kush do të merrte pjesë në këtë raund bisedimesh.

Forcat e armatosura izraelite sulmuan periferitë jugore të Bejrutit të mërkurën në mbrëmje, për herë të parë në pothuajse një muaj, duke vrarë një zyrtar të lartë të Hezbollahut.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.