Izraeli sulmon selinë qendrore të Hezbollah në periferi të Bejrutit

Botë | 2 vite më parë

Ushtria izraelite ka goditur të premten selinë qendrore të grupit militant Hezbollah në periferinë jugore të Bejrutit, deklaroi zëdhënësi i ushtrisë Daniel Hagari.

Hagari e konsideroi si sulm që goditi në shënjestër dhe tha se selia e Hezbollahut ishte vendosur nën një godinë banimi.

Një re e dendur tymi shikohet të ngrihet nga Bejruti, ndërsa shpërthime të fuqishme po tronditin qytetin, tha një gazetar i agjencisë gjermane të lajmeve DPA.

Media libaneze ka raportuar për rreth 10 sulme të ndryshme.

Dëshmitarët thanë se sulmi ndodhi në Haret Hreik, një zonë periferike me popullsi të dendur e Bejrutit, pranë aeroportit ndërkombëtar. Ata përshkruan dëme të mëdha në zonë, me rrugë të bllokuara që pengojnë ambulancat të arrijnë tek personat në nevojë për ndihmë.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.