Izraeli vijon sulmet dhe operacionin e tij tokësor në Libanin jugor për të shkatërruar të që e cilëson si  “infrastrukturën terroriste”. IDF thotë se ka shkatërruar depo të armëve të Hezbollahut, të cilat ishin “të ngulitura në zona malore dhe të montuara me eksploziv”.

Gjithashtu forcat izraelite thonë se kanë “çmontuar boshtet e tunelit të përdorur nga terroristët e Hezbollahut” në luftime nëntokësore pranë kufirit.

Në bastisjet e fundit, forcat tokësore dhe forcat ajrore kanë punuar së bashku për të vrarë “dhjetëra” luftëtarë të Hezbollahut, thotë IDF.

Lidhur me sulmet mes Izraelit dhe Hezbollahut, OKB thotë se mbi 200,000 njerëz janë larguar nga Libani në Sirinë fqinje për t’i shpëtuar bombardimeve.

Një përditësim nga Komisioneri i Lartë i OKB-së për Refugjatët, Filippo Grandi, thotë se ky numër përfshin si qytetarët libanezë ashtu edhe sirianë që jetonin në Liban.

/rtsh.al/