Junajtid nuk gjen paqe, Ratklif shkarkon drejtorin sportiv pas

Angli | 2 vite më parë

Humbja me Notigam Forest nuk ka kaluar pa pasoja në Mançester pasi menjëherë pas saj drejtori sportiv Dan Ashuorth është kontaktuar shefi i ekzekutivit Omar Berrada dhe ka mësuar se nuk do të jetë më pjesë e stafit drejtues.

Ky vendim i marrë nga numri një i Junajtid, Sër Xhim Ratklif ka habitur jo pak klubin e “Old Trafford”. Siç dihet Dan Ashuorth ka qenë njëri prej personave më të kërkuar nga numri një i INEOS gjatë verës.

Dan Ashuorth mbulonte këtë post në klubin e Njukasëllit dhe Junajtid për ta afruar pagoi një shifër, e cila shkon 2-3 milionë stërlina.

Puna e bërë gjatë merkatos së verës në afrimin e disa lojtarëve nuk i ka pëlqyer aspak Sër Xhim Ratklif, i cili nuk ka hezituar për të larguar atë që konsiderohej si njëri prej personave kyç të rindërtimit të Mançester Junajtid.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.