Turistët vijnë nga vende të ndryshme të botes si Austia, Italia, Greqia, Gjermania etj dhe thonë se sapo mbërrijnë në Gjirokastër, objekti i parë që zgjedhin të vizitojnë është kalaja falë historisë që mbartë dhe arkitekturës së veçantë që ka. 

“Ne jemi një grup prej 45 vetash, vijmë nga Greqia, do rrimë 3 ditë këtu. Kalaja është shumë e bukur po na pëlqen shumë. Do të përcjellim përshtypjet më të mira për të” .

“Jam nga Italia, kam 3 ditë në Shqipëri. Sot erdha në Gjirokastër, gjëja e parë që vizitova ishte kalaja , është mahnitëse shumë e bukur”

“Jemi një grup prej 50 vetash nga Gjermania, është hera e parë që vizitojmë Gjirokastrën , gjëja e parë që vizituam është kalaja dhe po mësojmë më shumë rreth historisë së saj kaq të veçantë . Kalaja tregon shumë për historinë e qytetit të Gjirokastrës” 

Në Gjirokastër vizitorët janë tepër të interesuar dhe për zonat përreth, janë kryesisht fshatrat ata që joshin të huajt për shkak të natyrës së virgjër produkteve  bio dhe kulinarisë së veçantë.

/rtsh.al/