Kina bën thirrje kundër përshkallëzimit të luftës në Lindjen e Mesme

Botë | 5 muaj më parë

Kina deklaroi të mërkurën se është “thellësisht e shqetësuar” për situatën në Lindjen e Mesme, pas sulmeve ajrore të kryera nga Shtetet e Bashkuara ndaj objektivave iraniane, si përgjigje ndaj rrëzimit të një helikopteri amerikan.

Zëdhënësi i Ministrisë së Jashtme kineze, Lin Jian, u bëri thirrje palëve të ruajnë qetësinë dhe të tregojnë përmbajtje, duke ndaluar intensifikimin e konfliktit dhe duke marrë masa konkrete për uljen e tensioneve.

Ndërkohë, Irani kreu sulme ndaj bazave amerikane në Jordani dhe Bahrein, duke e përshkallëzuar më tej përplasjen me Uashingtonin.

Këto janë përballjet më të ashpra mes dy vendeve që nga armëpushimi i 8 prillit, duke hedhur dyshime mbi deklaratat e Presidentit amerikan Donald Trump se negociatat për paqe ishin pranë përfundimit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.