Akademia e Forcave të Armatosura të Republikës së Shqipërisë, në bashkëpunim me Universitetin “Luarasi”, organizoi një konferencë shkencore me temë “Inovacioni dhe kërkimi shkencor në arsimin e lartë ushtarak”.

Ky aktivitet, sipas njoftimit për shtyp, thekson rëndësinë jetike të dijes, kërkimit shkencor dhe bashkëpunimeve akademike në kontekstin e një mjedisi sigurie gjithnjë e më të ndërlikuar.

Në kushtet aktuale globale, ku dinamikat gjeopolitike dhe teknologjike po ndryshojnë me shpejtësi, modernizimi i Forcave të Armatosura dhe forcimi i kapaciteteve mbrojtëse të një vendi varen thellësisht nga një sistem arsimor i avancuar.

Konferenca shërbeu si një platformë për të rikonfirmuar angazhimin e Shqipërisë drejt ndërtimit të një sistemi arsimor ushtarak bashkëkohor, i cili është i lidhur ngushtë me zhvillimet strategjike, teknologjike dhe operacionale të kohës.

Përmes këtij bashkëpunimi dhe fokusit në inovacionin dhe kërkimin shkencor, synohet të përgatitet brezi i ardhshëm i liderëve ushtarakë me njohuritë dhe aftësitë e nevojshme për të adresuar sfidat komplekse të sigurisë dhe për të garantuar mbrojtjen e vendit.

/rtsh.al/