Një ngjarje e rëndë ka ndodhur pak pas mesnate në aksin rrugor në aksin rrugor “Thumanë-Krujë”. Sipas informacioneve paraprake nga policia, bëhet me dije se një 57-vjeçar është qëlluar për vdekje me sende të forta nga një 28-vjeçar pas një konflikti për motive të dobëta.

Autori i ngjarjes është arrestuar në flagrancë nga policia menjëherë pas vrasjes.

Nuk dihet ende shkaku i konfliktit, ndërsa policia ka shoqëruar disa persona që mund të ketë dijeni për ngjarjen, për të bërë të mundur zbardhjen e plotë të saj.

“Rreth orës 00:40, në aksin rrugor “Thumanë-Krujë”, dyshohet se gjatë një konflikti për motive të dobëta, është goditur me sende të forta dhe për pasojë ka humbur jetën shtetasi P. N., 57 vjeç.       

Shërbimet e Policisë kanë kapur dhe shoqëruar autorin e dyshuar dhe shtetas që mund të ketë dijeni për ngjarjen, por për shkak të hetimit, nuk jepen të dhënat e tyre. 

Grupi hetimor, në drejtimin e Prokurorisë, po punon për zbardhjen dhe dokumentimin e rrethanave të ngjarjes. 

Në përfundim të veprimeve hetimore, do të jepet informacion i plotë”, thuhet në njoftim.

/rtsh.al/