Në qendrat shëndetësore të bashkisë Kukës është shtuar ndjeshëm numri i vizitave për kontrollin mjekësor bazë që ofrohet pa pagesë për grupmoshat 35-70 vjeç.

Drejtori i FSDKSH Hasan Halilaj bën të ditur se janë mjekët e familjes së bashku me stafin e bluzave të bardha, që fal ndërgjegjësimit, ka arritur të ketë një shifër në rritje të qytetarëve që kryejnë “Check-Up” falas.

“Kontrolli bazë ka 2 vite që ka pasur një rritje. Check up-i në Kukës, Tropojë e Has është në nivelin 109%”, tha ai.

Gjithashtu po funksionon njësia e lëvizshme e programit të kontrollit mjekësor, të cilat sipas një kalendari të caktuar, mbulojnë të gjitha fshatrat larg qendrave shëndetësore.

“Çdo ditë pranë mjekut të familjes janë kabinetet e përcaktuara dhe makina lëvizëse në ato vende ku nuk ka kabinet për check up-it që qytetarëve t’u jepet ky shërbim falas dhe të mos kemi rënie të personave që duan të bëjnë check up-in”, shtoi ai.

Bluzat e bardha apelojnë për rëndësinë e kontrollit periodik, që i vlen ruajtjes së shëndetit dhe parandalimit të komplikacioneve, si rezultat i kapjes në kohë të sëmundjeve.

/RTSH/