Kjo verë ka qenë e pazakontë edhe për qytetin e Korçës i cili vite më parë është dalluar nga qytetet e tjera për freskinë e temperaturat jo shumë të larta.

Pavarësisht të nxehtit të zgjatur për disa javë me radhë, me temperatura që i janë afruar edhe 40 gradëve, e gjithë bimësia në hapësirat publike në qytet vijon të ruajë freskinë e gjelbërimin.

Një gjë e tillë është arritur falë punës e përkushtimit të vazhdueshëm të punonjësve të gjelbërimit në Ndërmarrjen e Shërbimeve Publike pranë Bashkisë Korçë, të cilët kujdesen çdo ditë për ujitjen e parqeve e lulishteve, si dhe për mirëmbajtjen e tyre.

Por nga ana tjetër mjaft të rëndësishme janë edhe investimet e viteve të fundit për hapjen e puseve e instalimin e hidrantëve në të gjitha këto zona:

Korça është një qytet që ia vlen të vizitohet në këto ditë të nxehta vere, jo vetëm për mikpritjen, kulinarinë e historinë e saj, por edhe për pastërtinë e gjelbërimin që të çlodh sytë.

/rtsh.al/