Krenari kuqezi në Vjenë, Alis parakalon me flamurin shqiptar mes finalistëve të Eurovizionit!

Kulturë | 6 muaj më parë

Gjatë hapjes spektakolare të Finales së Madhe të Eurovizion 2026, arena e Wiener Stadthalle në Vjenë është ndezur nga ngjyrat dhe emocionet e Paradës tradicionale të Flamujve. Mes 25 finalistëve të këtij edicioni jubilar, ka parakaluar edhe artisti shqiptar Alis, duke valëvitur flamurin kuqezi nën duartrokitjet e zjarrta të mijëra spektatorëve në sallë dhe miliona shikuesve nga mbarë Evropa.

Ky parakalim shënon nisjen zyrtare të garës së madhe të kësaj të shtune, ku Shqipëria do të ngjitet e pesta në skenë për të performuar këngën e saj përfaqësuese “Nân”. Prezantimi i Alis mes finalistëve më të mirë të Evropës rikonfirmon rrugëtimin e tij të suksesshëm drejt kësaj nate finale, e cila ka bërë bashkë zemrat e të gjithë shqiptarëve kudo që ndodhen në diasporë për ta mbështetur fort përmes votave.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.