“Kurrë mos bjer në dashuri me një lojtar në huazim”, Sofascore shkruan për Muçin

Futboll Bota | 8 muaj më parë

Sulmuesi i kombëtares shqiptare, Ernest Muçi, po shkëlqen me fanellën e Trabzonsporit në Superligën turke, skuadër tek e cila është huazuar nga Besiktas.

Në 19 ndeshje të luajtura në kampionat, Muçi ka shënuar 10 gola dhe ka dhënë 3 asiste. Performancat e tij nuk kanë kaluar pa u vënë re nga drejtuesit e Trabzonsporit, që tashmë kërkojnë që të blejnë përfundimisht kartonin e tij.

“Pavarësisht se Ernest Muçi është zyrtarisht në huazim, sulmuesi shqiptar ka shumë të ngjarë të transferohet përgjithmonë te klubi aktual, pasi performancat e tij nuk i kanë dhënë Trabzonsporit asnjë arsye për të mos aktivizuar opsionin e tij të blerjes për 8.5 milionë euro”, shkruan faqja e specializuar e statistikave Sofasore.

“Kurrë mos bjer në dashuri me një lojtar në huazim…” është titulluar një foto e Muçit nga Sofascore.

Ernest Muçi

Sofascore

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.