Mbytet një i ri në Lagunën e Patokut, shoku i tij shpëton, policia dhe RENEA gjejnë turpin e të miturit

Aktualitet | 1 vit më parë

Një ngjarje tragjike është shënuar pasditen e kësaj të enjte (24 korrik) në Lagunën e Patokut, në Kurbin. Dy të rinj kanë hyrë të lahen, por fatkeqësisht njëri prej tyre është mbytur, ndërsa tjetri është nxjerrë në gjendje të rënduar.

Pas kërkimeve nga Policia e Kurbinit dhe polumbarët e RENEA-s është gjendur trupi i pajetë i 16- vjeçarit.

Ndërkohë, grupi hetimor po kryen veprimet përkatëse procedurale dhe është duke mbledhur dëshmi nga persona që ndodheshin pranë vendit të ngjarjes, për të zbardhur rrethanat e saj.

Laguna e Patokut është një destinacion i frekuentuar gjatë verës për bukuritë natyrore dhe freskinë e saj, por mungojnë vrojtuesit dhe sinjalizuesit për rrezikun që mund të ketë në zona të ndryshme të këtij rezervati natyror.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.