Përmes një seance të veçantë në Kuvendin e Shqipërisë, u zgjodhën drejtuesit e rinj të Legjislaturës IV të Parlamentit të Nxënësve, duke shënuar një aktivitet simbolik dhe edukativ për të rinjtë.

Kryetari i Kuvendit, Niko Peleshi, përshëndeti seancën dhe theksoi rëndësinë e kulturës demokratike dhe pjesëmarrjes aktive qytetare që nga mosha e re.

Ky aktivitet u konsiderua një mundësi e shkëlqyer për nxënësit për të mësuar mbi proceset demokratike, rolin e Kuvendit dhe pjesëmarrjen aktive në vendimmarrje.

Drejtuesit e rinj të Parlamentit të Nxënësve do të kenë përgjegjësinë për të përfaqësuar kolegët e tyre dhe për të nxitur diskutime dhe iniciativa që lidhen me edukimin, të drejtat e nxënësve dhe zhvillimin e kulturës demokratike në shkolla.

“Me shumë kënaqësi e kemi ofruar sallën e Kuvendit të Shqipërisë sot, s’mund të kishte një aktivitet më të bukur dhe kuptimplotë se sa ky. Demokracia është mentalitet, është kulturë dhe si e tillë duhet kultivuar. Demokracia është respekt, shumicë apo pakicë qoftë, është edhe orë të gjata pune, por sistemi më i mirë që njohim dhe që është dashur shumë punë edhe sakrificë për ta arritur”, u shpreh Peleshi.

/rtsh.al/