Lezhë, arrestohet 62-vjeçari, iu gjet në banesë arsenal armësh dhe municione

Aktualitet | 7 muaj më parë

Një 62-vjeçar është arrestuar në flagrancë në Lezhë, pasi mbante pa leje armë zjarri, municion dhe mjete shpërthyese. Gjatë kontrollit në banesën e tij, policia sekuestroi një armë automatike me tre krehëra, 414 fishekë luftarakë, gjashtë granata difensive dhe pesë ndezëse detonatorësh të unifikuar.

Operacioni policor i koduar “Befasia” u finalizua nga shërbimet e Komisariatit të Policisë Lezhë, pas informacioneve operative se shtetasi L. J., banues në fshatin Markatomaj, dispononte armë dhe municion pa leje.

Në vijim të veprimeve procedurale, 62-vjeçari u arrestua për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Materialet procedurale iu referuan Prokurorisë pranë Gjykatës së Juridiksionit të Përgjithshëm Lezhë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.